![“Dəniz kuboku” müsabiqəsində komandalar “Üzən mina hədəfinə atış” çalışmasını yerinə yetiriblər “Dəniz kuboku” müsabiqəsində komandalar “Üzən mina hədəfinə atış” çalışmasını yerinə yetiriblər](https://poliqon.az/wp-content/uploads/2022/08/f1efb5c933d72a983295d8093211c4ca-e1660664412194.jpg)
“Dəniz kuboku” müsabiqəsində komandalar “Üzən mina hədəfinə atış” çalışmasını yerinə yetiriblər
“Beynəlxalq Ordu Oyunları-2022” yarışları çərçivəsində keçirilən “Dəniz kuboku” müsabiqəsində Azərbaycan, İran, Qazaxıstan və Rusiya komandaları döyüş hazırlığı poliqonunda “Üzən mina hədəfinə atış” çalışmasını yerinə yetiriblər.
Bu barədə “Poliqon”a Müdafiə Nazirliyinin mətbuat xidmətindən məlumat verilib.
Çalışmanın şərtlərinə görə hərbi dənizçilər hərəkətdə olan gəmilərdən müəyyən məsafədə üzən mina hədəfini ümumilikdə 16 patron istifadə etməklə məhv ediblər.
Azərbaycanın hərbi qulluqçuları qarşıya qoyulan tapşırığı uğurla icra ediblər.
Sonda hədəfin məhv olunması və gəmilərin poliqonu tərk etməsi müddətinə əsasən, Azərbaycan və Rusiya komandaları bərabər xalla birinci, Qazaxıstan komandası ikinci, İran komandası isə üçüncü yerdə qərarlaşıb.