ABŞ 5 milyard dollar dəyərində F-16 qırıcılarının Filippinə satışını təsdiqləyib
ABŞ Dövlət Departamenti 5.58 milyard dollar dəyərindəki F-16 qırıcılarının Filippinə satışını təsdiq edib.
Bu barədə “Poliqon” ABŞ-ın Müdafiə Təhlükəsizliyi Əməkdaşlıq Agentliyinə (DSCA) istinadən xəbər verib.
Bildirilib ki, sifarişə 16 ədəd F-16 C Blok 70/72 ilə 4 ədəd F-16 D Blok 70/72 qırıcısının, lazımi avadanlıqların, “hava-hava” raketlərinin, təlim dəstlərinin və s. satın alınması, eləcə də onlara təmir, texniki xidmət və logistika dəstəyinin göstərilməsi daxildir.
Sifarişin əsas podratçısı ABŞ-ın “Lockheed Martin” şirkəti olacaq.