ANAMA azad olunan ərazilərdə ötən ay 1992 ədəd mina aşkarlayıb
Azərbaycan Minatəmizləmə Agentliyi (ANAMA) tərəfindən işğaldan azad edilmiş ərazilərin mina və partlamamış hərbi sursatlardan (PHS) təmizlənməsi əməliyyatları davam edir.
ANAMA-dan “Poliqon”a verilən məlumata görə, təmizləmə əməliyyatları Kəlbəcər, Tərtər, Ağdam, Xocalı, Xocavənd, Füzuli, Zəngilan, Qubadlı, Cəbrayıl, Laçın və Şuşa ərazisində aparılıb.
2023-ci il avqustun 1-dən 31-nə qədər aparılan minatəmizləmə əməliyyatları zamanı 5264.14 ha ərazi yoxlanılıb, 972 ədəd piyada və 1020 ədəd tank əleyhinə mina, 1121 ədəd PHS aşkar olunaraq zərərsizləşdirilib.
