Avropa ölkələri ABŞ-dan AMRAAM raketləri alır
ABŞ Dövlət Departamenti AMRAAM raketlərinin Rumıniya və Norveçə satışını təsdiq edib.
“Poliqon” xəbər verir ki, bu barədə ABŞ-ın Müdafiə Təhlükəsizliyi Əməkdaşlıq Agentliyi (DSCA) məlumat yayıb.
Toplamda 286 ədəd AMRAAM raketinin satışını nəzərdə tutan sifarişlərin ümumi dəyəri təxminən bir milyard ABŞ dolları təşkil edir.
Rumıniyanın 562 milyon dollar dəyərindəki AMRAAM sifarişinə daxildir:
- 186 ədəd “hava-hava” tipli AIM-120C-8 AMRAAM raketi;
- AIM-120 hava təlim raketləri (CATM);
- KGV-135A kriptoqrafik cihazları;
- Raket konteynerləri, idarəetmə bölmələri, telemetriya dəstləri və döyüş başlığı ehtiyat hissələri;
- Təmir, texniki xidmət, logistika dəstəyi və s.
Norveçin 405 milyon dollar təşkil edən AMRAAM sifarişinə daxildir:
- 100 ədəd “yer-hava” tipli AMRAAM-ER raketi;
- Təlim avadanlıqları və raket konteynerləri;
- Təmir, texniki xidmət, logistika dəstəyi və s.
Qeyd olunub ki, hər iki sifarişin əsas podratçısı rolunda ABŞ-ın “RTX Corporation” şirkəti çıxış edəcək.