BMP-3 PDM-lərinin mini dronlarla silahlandırılması üzərində işlər aparılır

Rusiyanın “Yüksək Dəqiqlikli Komplekslər” holdinqinin “Kurqanmaşzavod” müəssisəsi BMP-3 piyada döyüş maşınınlarının (PDM) mini dronlarla silahlandırılması üzərində işləyir.

Bu barədə “Poliqon” “Yüksək Dəqiqlikli Komplekslər” holdinqinə istinadən xəbər verib.

Bildirilib ki, mini dronların BMP-3 PDM-lərinə inteqrasiya olunması üzrə işlərin aparılması “Kurqanmaşzavod” mütəxəssislərinin vəzifələrindən biridir.

Hazırda mini dronların BMP-3 piyada döyüş maşınına inteqrasiyası üzrə təşkilati qərarların layihələri və birgə işlərin qrafiki razılaşdırılır. Dronların BMP-3 PDM-inin layihə sənədlərinə daxil edilməsi standart sınaqların nəticələrindən asılıdır.