Danimarka M982A1 “Excalibur” mərmiləri alır

ABŞ Dövlət Departamenti 121 milyon dollar dəyərindəki 155 mm-lik M982A1 “Excalibur” mərmilərinin Danimarkaya satışını təsdiq edib.

“Poliqon” xəbər verir ki, bu barədə ABŞ-ın Müdafiə Təhlükəsizliyi Əməkdaşlıq Agentliyi (DSCA) məlumat yayıb.

Bildirilib ki, sifarişə 339 ədəd M982A1 “Excalibur” mərmisinin və lazımi avadanlıqların satın alınması, eləcə də onlara təmir, texniki xidmət və logistika dəstəyinin göstərilməsi daxildir.

Sifarişin əsas podratçısı rolunda ABŞ-ın “RTX Corporation” şirkəti çıxış edəcək.