İran yeni silah sistemlərinin təqdimatını keçirib
İranın İslam İnqilabının Keşikçiləri Korpusu (SEPAH) yeni “Qəzza” adlı pilotsuz uçuş aparatının (PUA), “9th of Dey” hava hücumundan müdafiə sisteminin və “Qods” radar sisteminin təqdimatını keçirib.
Bu barədə “Poliqon” “Fars” xəbər agentliyinə istinadən məlumat verib.
SEPAH-ın müdafiə sənayesi kompleksinin mühəndisləri tərəfindən hazırlanan “Qəzza” PUA-sı müşahidə, kəşfiyyat və döyüş tapşırıqlarının icrası üçün nəzərdə tutulub. Həmçinin, PUA-dan axtarış və xilasetmə əməliyyatlarının yerinə yetirilməsi üçün də istifadə etmək mümkündür.
Geniş gövdəyə malik olan “Qəzza” PUA 35 saat havada qalma müddətinə, 2000 kilometr uçuş məsafəsinə və 13 ədəd aviasiya bombası daşımaq imkanına sahibdir.
“9th of Dey” HHM sistemi PUA, qanadlı raketlər və aviasiya bombaları kimi yaxın məsafədəki təhlükələri məhv etmək üçün nəzərdə tutulub.