İsveç və ABŞ şirkətləri birgə pilotsuz havadan erkən xəbərdarlıq həlli hazırlayır

İsveçin “Saab” şirkəti ABŞ-ın “General Atomics Aeronautical Systems” şirkəti ilə pilotsuz havadan erkən xəbərdarlıq (UAEW) həllinin inkişafı ilə bağlı strateji əməkdaşlıq edəcək.

“Poliqon” “Saab”a istinadən xəbər verir ki, hazırlanacaq UAEW həlli “General Atomics Aeronautical Systems”in MQ-9B pilotsuz uçuş aparatına (PUA) əsaslanacaq.

Bu əməkdaşlıq “Saab”ın AEW&C sistemlərindəki təcrübəsini “General Atomics Aeronautical Systems”in PUA texnologiyası ilə birləşdirir. Əməkdaşlıq çərçivəsində “Saab”ın AEW sensorları MQ-9B PUA-sına inteqrasiya olunacaq. Beləliklə, yeni UAEW həlli təyin olunmuş ərazilərin ardıcıl şəkildə monitorinqini aparmaqla davamlı müşahidə və situasiya məlumatlılığı təmin edəcək.