Türkiyə HHQ-nin AS-532 “Cougar” helikopterləri modernləşdiriləcək
ASELSAN, ASFAT və “Airbus” şirkətləri Türkiyə Hərbi Hava Qüvvələrinin (HHQ) inventarında yer alan AS-532 “Cougar” helikopterlərinin avionika sistemlərini modernləşdirəcək.
“Poliqon” xəbər verir ki, bunun üçün IDEF-2023 sərgisi çərçivəsində tərəflər arasında müqavilə imzalanıb.
Müqaviləyə əsasən, Türkiyə HHQ-yə məxsus 20 ədəd AS-532 “Cougar” helikopterinin avionikası yenilənərək, milli sistemlərlə təchiz olunacaq.