Türkiyə müdafiə sənayesinin ixracı 2 milyard dolları ötüb

Türkiyə İxrcatçılar Məclisi (TİM) müdafiə və aviasiya sənayesi sektorunun 2024-cü ilin may ayında ixrac etdiyi məhsulların dəyərini açıqlayıb.

“Poliqon” TİM-ə istinadən xəbər verir ki, Türkiyənin müdafiə və aviasiya sənayesi şirkətləri cari ilin mayında 876 milyon ABŞ dolları dəyərində məhsul ixrac edib.

Ötən ilin eyni dövrü ilə müqayisədə (2023-ci il may – 549.8 milyon ABŞ dolları) 2024-cü ilin mayında ixrac olunan məhsulların dəyəri artıb.

Cari ilin ilk beş ayı ərzində Türkiyənin müdafiə və aviasiya sənayesi sektoru tərəfindən ümumi dəyəri 2.2 milyard ABŞ dollarından çox olan məhsul ixrac edilib.