ABŞ Ukraynaya yeni hərbi yardım paketi ayırıb
ABŞ Müdafiə Nazirliyi (Pentaqon) Ukraynaya 200 milyon dollar dəyərində yeni hərbi yardım paketini açıqlayıb.
Bu barədə “Poliqon” ABŞ Müdafiə Nazirliyinin mətbuat xidmətinə istinadən xəbər verib.
Bildirilib ki, yeni hərbi yardım paketi Ukrayna Silahlı Qüvvələrinin hava hücumundan müdafiə imkanlarını artırmağa kömək edəcək.
Hərbi yardım paketinə daxildir:
- AIM-9M raketləri;
- Antidron sistemləri;
- HIMARS yaylım atəşli reaktiv sistemlər (YARS) üçün əlavə raketlər;
- 155 və 105 mm-lik artilleriya mərmiləri;
- Elektron müharibə sistemləri;
- TOW tank əleyhinə raketlər;
- AT4 tank əleyhinə qumbaraatanlar;
- Atıcı silahlar və onlar üçün 16 milyondan çox sursat;
- Ehtiyat hissələri, təlim sursatları, texniki xidmət və s.