Almaniya Ukraynaya 80 ədəd “Leopard 1A5” tankı tədarük edəcək

Almaniya mart ayında Ukraynaya 18 ədəd müasir “Leopard 2A6” tankı və 40 ədəd “Marder” piyada döyüş maşını (PDM) çatdırıb.

“Poliqon” xəbər verir ki, bunu “La Vanguardia” qəzetinə müsahibəsində Almaniyanın müdafiə naziri Boris Pistorius deyib.

O, adı çəkilən texnikalardan başqa təcili ehtiyac duyulan ehtiyat hissələrin və döyüş sursatlarının da Ukraynaya çatdırıldığını bildirib.

Nazir qeyd edib ki, Ukryanaya “Leopard 1A5” tanklarının tədarükü hələ yeni başlayıb: “Bundan əlavə, bu həftə yüzdən çox ukraynalı əsgərin “Leopard 1” ilə bağlı təlimi başlayıb. İlin ortalarında 80-ə qədər “Leopard 1” əsas döyüş tankının çatdırılmasına başlanacaq”.