ANAMA-nın avtobusu Laçında qəzaya uğrayıb

2023-cü il 16 sentyabr tarixində Laçın rayonu ərazisində Azərbaycan Minatəmizləmə Agentliyinə (ANAMA) məxsus avtobus qəzaya uğrayıb.

ANAMA-dan “Poliqon”a verilən məlumata görə, avtobusda olan Agentliyin 3 nəfər əməkdaşı yüngül xəsarətlər alıb.

Xəsarət alan şəxslər yaxınlıqdakı xəstəxanaya təxliyyə ediliblər.

Xəsarət alan şəxslərin vəziyyəti stabildir. Həyatları üçün təhlükə yoxdur.