ASELSAN Türkiyə Sahil Mühafizəsinin AB-412 EP helikopterlərini modernləşdirəcək
ASELSAN şirkəti Türkiyənin Sahil Mühafizəsi Komandanlığına məxsus AB-412 EP helikopterlərini modernləşdirəcək.
“Poliqon” ASELSAN-a istinadən xəbər verir ki, bunun üçün “AB-412 EP SG Helikopterinin Müasirləşdirilməsi və İnteqrasiyası Layihəsi” çərçivəsində şirkət və Türkiyənin Müdafiə Sənayesi Başqanlığı (SSB) arasında ümumi dəyəri 1 milyard TL (55.9 milyon ABŞ dolları) olan müqavilə imzalanıb.
Müqaviləyə əsasən, ASELSAN tərəfindən helikpterlərin modernləşdirilməsi və sifarişçiyə təhvil verilməsi ilə bağlı bütün işlər 2024-2030-cu illər ərzində həyata keçiriləcək. Moderləşdirmə nəticəsində AB-412 EP helikopterlərinin avionika sistemləri yenilənəcək.
ASELSAN tərəfindən helikopterə aşağıdaki sistemlər inteqrasiya olunacaq:
- ASELFLIR R400D elektro-optik sistemi;
- KDU-45 sistemi;
- SMFD-810 göstəricisi;
- Daxili kommunikasiya sistemi;
- Avionika sistemləri;
- Naviqasiya sistemləri;
- Suüstü axtarış radarı.
Layihə barəsində fikirlərini bölüşən ASELSAN-ın baş dirktoru Haluk Görgün bildirib ki, şirkət tərəfindən helikopterlər Sahil Mühafizəsi Komandanlığının əməliyyat imkanlarını maksimum dərəcədə artırmaq üçün modernləşdiriləcək.
“Sahillərimizin və dənizlərimizin təhlükəsizliyi milli texnologiyalarla mühafizə olunmağa davam edəcək”, – deyə H.Görgün qeyd edib.