“Kaba Gallenschuetz” şirkətindən Azərbaycana yeni giriş kontrol sistemləri
Almaniyanın “Kaba Gallenschuetz” şirkəti Azərbaycan bazarına yeni giriş kontrol sistemlərini təqdim edir. Yeni texnologiyaları barədə məlumat verən şirkətin vitse-prezidenti Josef Schorn bildirib ki, “Kaba” Azərbaycan şirkətlərinə və dövlət qurumlarına müasir dizaynlı yarımboy sensor keçid sistemi (HSB-S05), yüksək təhlükəsizlik zonaları üçün şlüz kabin sistemi (PIL-S01), muhafizəni səmərəli şəkildə təşkili üçün tamboylu turniket, müxtəlif funksiyalı giriş kontrol menecment sistemi, biometrik tanıma sistemlərini təklif edir.
Şirkət təqdim etdiyi müasir dizaynlı yarımboy sensor keçid sistemlərinin alqı-satqısı üçün ilə bağlı bir sıra qurumlarla, o cümlədən Bakı Metropoliteni ilə də danışıqlar aparır.
J. Schorn qeyd edib ki, “Kaba” şirkəti azərbaycanlı mütəxəssislər üçün Almaniyada yeni texnologiyalara dair seminarlar və treninqlər təşkil etməyi planlaşdırır.
Qeyd: Almanıyanın Bühl (Baden Baden) şəhərində fəaliyyət göstərən “Kaba Gallenschütz” şirkəti əsasən binaların və ərazilərin girişində tətbiq olunan turniketlər, sensor keçid sistemlər, şlüz kabinlər və karusel qapılar istehsal edir.
