BMP-3 PDM-lərinin növbəti partiyası Rusiya Ordusuna təhvil verilib
“Yüksək dəqiqlikli komplekslər” şirkəti 2023-cü il dövlət sifarişi çərçivəsində istehsal olunan BMP-3 piyada döyüş maşınlarının (PDM) ilk partiyasını Rusiya Ordusuna təhvil verib.
“Poliqon” xəbər verir ki, bu barədə “Rostex” Dövlət Korporasiyasının mətbuat xidməti məlumat yayıb.
Məlumatda bildirlib ki, “Yüksək dəqiqlikli komplekslər” şirkəti Rusiya Müdafiə Nazirliyinin sifarişi əsasında BMP-3-lərin ardınca, hazırda əsaslı təmir işləri davam edən amfibiya tipli zirehli transportyorların və digər hərbi texnikaların tədarükünü də planlaşdırır.
Rusiya Ordusuna təhvil verilən BMP-3 PDM-ləri tuşlayıcı-operator üçün nəzərdə tutulan “Sodema” əsas nişangahı, əlavə mühafizə və zireh vasitələri ilə təchiz olunub.
Qeyd edək ki, həm BMP-3 PDM-lərinin istehsalı, həm də BTR-MDM zirehli transportyorlarının, BREM-L zirehli təmir-təxliyyə maşınlarının və digər zirehli texnikaların əsaslı təmiri ilə bağlı işlər “Yüksək dəqiqlikli komplekslər” şirkətinin “Kurqanmaşzavod” müəssisəsi tərəfindən həyata keçirilir.