İranın ilk yerli PUA uçuş simulyatoru təqdim olunub

İran müdafiə sənayesinin ilk yerli istehsalı olan PUA (pilotsuz uçuş aparatı) uçuş simulyatoru təqdim edilib.

“Poliqon” “Fars” xəbər agentliyinə istinadən bildirir ki, bununla bağlı İran Quru Qoşunlarının komandanı, briqada generalı Kiomərs Heydərinin də iştirak etdiyi təqdimetmə mərasimi keçirilib.

Mərasimdə çıxış edən K.Heydəri, yerli PUA uçuş simulyatorunu müxtəlif tipli pilotsuz uçuş aparatlarını idarə edəcək operatorların hazırlanmasında mühüm elementlərdən biri hesab edib və bu sahədə onun vacib rol oynayacağını vurğulayıb.

“Bugün PUA-lar ordunun müdafiə və döyüş qüdrətinin artırılmasında mühüm və həlledici rol oynayır və bu, çox dəyərli bir sənayedir”, – deyə İran Quru Qoşunlarının komandanı qeyd edib.

Poliqon.az