![İsveç İtaliyadan 3000 ədəd çoxməqsədli nəqliyyat vasitəsi alır İsveç İtaliyadan 3000 ədəd çoxməqsədli nəqliyyat vasitəsi alır](https://poliqon.az/wp-content/uploads/2023/06/IDV_Light_Multi_Purpose_Vehicles_MUV_4x4_FINAL-e1686910844388.jpg)
İsveç İtaliyadan 3000 ədəd çoxməqsədli nəqliyyat vasitəsi alır
İtaliyanın “Iveco Defence Vehicles” şirkəti (IDV) İsveç Silahlı Qüvvələrinə 3000 ədəd MUV 4×4 çoxməqsədli nəqliyyat vasitəsi tədarük edəcək.
“Poliqon” IDV-yə istinadən xəbər verir ki, bunun üçün “Iveco Defence Vehicles” ilə İsveç Müdafiə Avadanlıqları İdarəsi (FMV) saziş imzalanıb.
Bildirilib ki, bu çərçivədə İsveç FMV tərəfindən IDV-yə 850 milyon SEK (80.1 milyon ABŞ dolları) dəyərindəki 400 ədədlik ilk sifariş verilib.
Sifarişə əsasən, nəqliyyat vasitələrinin İsveç Silahlı Qüvvələrənə çatdırılmasına 2024-cü ilin sonundan etibarən başlanacaq və 2025-ci ilin sonuna kimi yekunlaşdırılacaq.
Qeyd olunub ki, yüngül çoxməqsədli nəqliyyat vasitəsi olan MUV 4×4, İsveç Ordusuna müxtəlif variantlarda tədarük ediləcək.
CATEGORIES Quru